നീ...

ഇന്ന് കണ്ട സൂര്യോദയത്തില്‍‌

നിന്‍റെ മുഖമുണ്ടായിരുന്നു...

വിരിഞ്ഞു നിന്ന റോസാപ്പൂവില്‍

‌കണ്ടതും നിന്‍റെ ചിരിയായിരുന്നു...

ഇളം തെന്നല്‍‌ ഇന്നു തലോടിയപ്പോള്‍‌

കാതില്‍‌ മന്ത്രിച്ചതും നിന്‍റെ പേരുതന്നെ...

എന്നിട്ടും നീ.....

എന്‍റെ വിയര്‍പ്പിന്‍റെ
രുചിയറിഞ്ഞതും നീ
എന്‍റെ ചുടുരക്തത്തിന്‍റെ
മധുരം നുണഞ്ഞതും നീ
എന്‍റെ പച്ചമാംസത്തിന്‍റെ
ഉപ്പ് രുചിച്ചതും നീ
കണ്ണുകള്‍‌ എന്‍റേതെങ്കിലും
കാഴ്ചകള്‍ കണ്ടത് നീ
കാതുകള്‍‌ എന്‍റേതെങ്കിലും
കേള്‍‌വികള്‍‌ കേട്ടത് നീ
ഇന്നാരോ,
വിളിച്ചുപറഞ്ഞപ്പോള്‍‌
ആദ്യമെന്നെ കല്ലെറിഞ്ഞതും നീ.....!!
സുഹൃത്തേ, എനിക്കുള്ള
കുഴിതോണ്ടിയതും നീ....

ഇന്ന്...

ഇന്നു കണ്ട നിറങ്ങള്‍
കൂടുതല്‍ വര്‍ണ്ണാഭമായിരുന്നു....
ഇന്നു കണ്ട കാഴ്ചകള്‍‌
കൂടുതല്‍ വശ്യമായിരുന്നു.....
ഇന്നു കേട്ട കേള്‍‌വികള്‍
കൂടുതല്‍ ധന്യമായിരുന്നു...

ഇംഗ്ലീഷ് മീഡിയമല്ലെ..........!!!

സ്കൂള്‍ വിട്ടുവന്ന കുട്ടി "മമ്മീ" എന്ന് വിളിച്ചപ്പോള്‍‌

ആ അമ്മയൊന്നും പറയാന്‍‌ പോയില്ല....

ഇംഗ്ലീഷ് മീഡിയമല്ലെ, മമ്മിയെങ്കില്‍‌ മമ്മി...!!

പക്ഷേ ഇന്നാ കുട്ടി "മമ്മിയെ" ശരിക്കും ഞെട്ടിച്ചു....

കോളേജുവിട്ട് വരാന്‍‌ വൈകിയ മകളോട് കാരണം തിരക്കിയപ്പോള്‍,

അവള്‍ പറഞ്ഞതിങ്ങനെയായിരുന്നു.....

"എന്തുവാ കുറ്റവാളിയെ ചോദ്യം ചെയ്യുന്നപോലെ ഇങ്ങനെ...

നമ്മളൊക്കെ ഫ്രണ്ട്സല്ലേടാ......!!!"

അപ്പോഴും "മമ്മി"യോര്‍ത്തു.....

"ഇംഗ്ലീഷ് മീഡിയമല്ലെ"..........!!!